ADRIA vel HADRIA

ADRIA vel HADRIA

Steph. et Ptol.

Romanorum colonia in Piceno, quintâ Italiae regione, 12. mill. pass.a mari distans, in qua ager ipse Adrianus dicebatur, vinô generosissimô nobilis, quod et ipsum Adrianum fuit appellatum. Item urbs Graeciae Illyrico mari proxima, πόλις ἐπιφανὴς Eustathio. Item oppid. ad Padum amnem a Tuscis conditum, nobili portu imprimis clarum; inde forte Adriaticum mare, hodie Golfo di Venetia, quod vulgo Adria quoque dicitur, et a poetis tempestuosum valde describitur. Catull. Epigr. 4.

Minacis Adriatici litus.

Horat. l. 1. Od. 33.

Libertina sretis acrior Adriae

Curvantis Calabros sinus.

Idem l. 3. Od. 9.

---- ----- Levior cortice, et improbo

Iracundior Adriâ.

Idem l. 3. Od. 3.

----- ----- Neque Auster Dux inquieti turbidus Adriae.

Senec. in Thyeste, Actu 2. v. 361.

Aut soevô rapidus sretô

Ventosi tumor Adriae.

Lucano l. 5. v. 614. Vagus dicitur:

------- Sonat Lonio vagus Adria pontô.

Eustath. in Dionys. ait quosdam Ionium et Adriaticum mare pro eodem habere; addit autem οἱ δὲ ἀκριβέςτεροι τὸν Ι᾿όνιον μέρος τȏυ Α᾿δρίου φασί. Vide Cluver. Ital. Antiq. l. 4. c. 17. ut et in H. lit.